Barriga Verde no Entroido do Cole de Cea

Cartel Un Día de Feira co CPI Virxe da Saleta

Non cómpre se disfrazar de peliqueiros ou de xenerais da Ulla para ter un entroido ben galego. Os amigos e amigas do CPI Virxe da Saleta, o Cole de Cea, apostaron por ambientar nas feiras tradicionais as súas actividades de Entroido deste ano. O vindeiro venres 1 de marzo e no marco do proxecto O noso. Amamos o que coñecemos, o alumnado vai recrear unha feira tradicional. Oficios como panadeiras, ferreteiros, polbeiras, taberneiros, limpabotar, emigrantes retornados, a Garda Civil e as forzas vivas do pobo daranse cita neste encontro no que tamén estará presente a Anpa do colexio a achegar unha chocolatada.

E como en toda feira que se preze, tamén hai títeres! O propio alumnado colle os bonecos e leva a escena unha versión do mítico Barriga Verde. Nesta ocasión trátase dunha obra titulada Barriga Verde contra o monstro come-risos na que non falta a cachaporra nin o demo. A AC Morreu o Demo colaborou asesorando no guión e na escenificación desta montaxe, que continúa o traballo que en anos anteriores xa desenvolveron no centro a pór estudantes e estudantas a traballar cos bonecos.