As fotografías históricas
Son moi escasas aínda as fotografías localizadas que amosan a barraca Melodías de España de José Silvent ou as que levaban os seus irmáns. Amosamos aquí as que demos compilado ao longo dos últimos anos de investigación, coa esperanza de que, aos poucos, se poida ir completando o arquivo fotográfico sobre Barriga Verde.
Os Jiménez, que levaban unha barraca de Barriga Verde desde a Estrada. Segundo as investigacións realizadas ata o momento, estes titiriteiros eran familiares de Julia Silvent, residente en Ourense, que colaboraba con eles en ocasións na manipulación dos títeres.
<i>El Pueblo Gallego</i> publicaba o 29 de agosto de 1956 dúas imaxes realizadas por Secundino Iglesias Ortigueira “Siorty” da Barraca de José Silvent. Biblioteca Marioneta recolle o artigo.