30/11

Exposición

Onde foi Barriga Verde?

A mostra retrotráenos ao comezo das investigacións actuais sobre Barriga Verde, salientando a escaseza de material existente sobre a figura e amosando o proceso de esquecemento da mesma. As conexións europeas da obra do personaxe, a situación actual deste legado ou o mundo das feiras e a súa evolución son temas que tamén se abordan nunha linguaxe sinxela e complementados con ilustracións, mapas e fotografías.

Todos os públicos

do 30 de novembro ao 9 de decembro

 Auditorio Constante Liste

7/12

Obradoiro – Acto escolar

Monicreques en igualdade

A partir dunha peza de títeres de cachaporra (técnica empregada no espectáculo de marionetas de Barriga Verde), preséntase unha situación de desigualdade e un conflito que se resolve de xeito violento. Os/as participantes deberán reflexionar sobre as posibles solucións non violentas para dito conflito. As solucións quedarán plasmadas en pequenas pezas escritas que serán representadas cos monicreques que os propios/as rapaces/as constrúan con materias de refugallo moi sinxelos.

Alumnado 1º da ESO

09:35

IES de Cacheiras

Monicreques – Funcións para escolares

Pinocho, el niño de madera

Titelles Vergés

Adaptación para títeres do famoso contó protagonizada polo clásico títere guiñol catalán. Ocasión única para desfrutar dunha nova versión de Pinocho creada sobre a tradición e frescura dos putxinel.lis, onde os cativos e as cativas animan constantemente os seus personaxes e os gritos e as risas mestúranse cos sorrisos dos adultos, nun espectáculo participativo que se desenvolve a un ritmo moi alto.

11:00 – CRA de Teo

12:30 – E.I e 1º Ciclo de E.P do CEIP da Ramallosa

Auditorio Constante Liste

Monicreques

Perico sin miedo

Titelles Vergés

A cargo da histórica Titelles Vergés tamén desfrutaremos da versión de Xan sen medo con títeres clásicos de cachaporra e na que o público volve ser protagonista.

Todos os públicos (+ 3 anos)

18:30

Auditorio Constante Liste

Charla

Introdución ao títere catalán

Sebastià Vergés representa a terceira xeración da compañía Titelles Vergés que seu avó creara fai máis de 100 anos. Este titiriteiro renovador e continuador da tradición que aprendeu na casa, da man do seu avó, do seu pai e do seu tío, aproximaramos á morfoloxía, historia, manipulación e rutinas de Pericu, o títere tradicional catalán.

Todos os públicos

19:30

Auditorio Constante Liste

Proxeción de documental e coloquio

Morreu o demo, acabouse a peseta

O documental Morreu o Demo, acabouse a peseta, dirixido por Pedro Solla e producido por Tintimán Audiovisual, amosa o proceso de recuperación da barraca de Barriga Verde por parte dos membros da compañía Viravolta. A seguir, membros do equipo do documental e da AC Morreu o Demo desenvolverán un debate cos asistentes sobre a película e a situación dos títeres e doutros elementos da sociedade tradicional na actualidade.

Todos os públicos

21:00

Mediateca do Grilo

8/12

Obradoiro

Marionetas de papel

Nestes obradoiro cada un dos participantes elaborará unha marioneta de luva, con material tan sinxelo como é o papel. A dinámica do obradoiro será a dun taller aberto, é dicir, durante os 90 minutos que dura a actividade os/as nenos/as poderán achegarse libremente a facer a súa marioneta. Os/as monitores/as apoiarán o traballo dos nenos/as, guiándoos nos aspectos técnicos pero respectando a creatividade de cada participante.

+5 anos, acompañados por un adulto.

11:30

Auditorio Constante Liste

Monicreques

Cristobitas

Títeres desde Abajo

“Cristobitas” é o nome polo que se coñecen os títeres de luva en Andalucía. Baixo este título Títeres desde Abajo presenta un formato versátil no que teñen cabida diferentes propostas: pezas breves que van xurdindo polos camiños, fragmentos doutras obras da compañía, clásicos dos grandes mestres titiriteiros e colaboracións de amigos e compañeiros do oficio. Un espectáculo promiscuo, de rúa e popular, suxeito á improvisación.

Todos os públicos (+3 anos)

12:00

Auditorio Constante Liste

Monicreques

Pulchinellis

Siesta Teatro

Punchinelis é un espectáculo que continúa mediante títeres de luva a tradición dos guiñois de cachaporra. Por séculos Puncha, a fera, o policía, a morte e o demo correron e esquivaron os golpes da estaca, a provocar a risa e os berros do público, caeron mortos e resucitaron ao momento para continuar coas súas piadas e bailes.

Todos los públicos (+4 anos)

18:30

Auditorio Constante Liste

Charla

A tradición ibérica

Adolfo Ayuso

Un dos principais investigadores do teatro popular a nivel ibérico, Adolfo Ayuso, explica as orixes, evolución e características da familia de títeres peninsular. Desde a chegada de Polichinela, procedente de Italia, e a súa fusión paulatina cos tipos preexistentes no teatro de marionetas da península, Ayuso percorrerá as peripecias do personaxe até converterse en Don Cristóbal e acabar perdendo o “Don” nos tipos populares coñecidos como “cristobitas” en Andalucía ou os “cristovos” galegos, manexados polos cegos monifateiros nas romarías até principios do século XX.

Todos os públicos

20:00

Biblioteca dos Tilos

Mesa redonda

A vixencia da cachaporra: Violencia nos títeres tradicionais?

A recente detención dos membros da compañía Títeres desde Abajo puxo sobre a mesa a cuestión de como se perciben as montaxes de títeres tradicionais. Coa participación de varios titiriteiros, investigadores e membros da comunidade educativa exploraremos as diferentes visións sobre a violencia entre bonecos no escenario e as vías para resolver esta controvertida cuestión. Modera Comba Campoi.

Todos os públicos

21:00

Biblioteca dos Tilos

9/12

Monicreques – función escolar

Teatro Dom Roberto

RedCloud Teatro de Marionetas

Dom Roberto, protagonista do teatro popular de fantoches portugueses a partir do século XVIII, é considerado hoxe en día como Património Imaterial Português. Sara Henriques recupera neste espectáculo dúas pezas do repertorio clásico de Dom Roberto “A Tourada” e o “O Barbeiro”, seguindo a versión que creara nos anos 80 Joāo Paulo Seara Cardoso e na que Dom Roberto se converte no heroe inmortal do pobo! Dom Roberto mata a propia morte!

1º da ESO

13:35

IES de Cacheiras

 Todos os públicos

17:35

 Mediateca do Grilo

Monicreques

Vida, crimes e prisión de Toribio de Mañón

Viravolta títeres

Recreación con formas do teatro popular, onde se contan as andanzas que lle deron sona a Mamede Casanova “Toribio de Mañón”, famoso bandoleiro galego de principios do século XX, e que levaron os seus ósos ao cárcere. Nestas andanzas inspirouse Valle-Inclán para escribir “Las galas del difunto”.

Todos os públicos

18:15

 Mediateca do Grilo

Monicreques

Barriga Verde ataca de novo

Títeres Alakrán

A compañía galega reinterpreta a obra clásica de Barriga Verde cun único manipulador que ademais recupera o tradicional emprego da palleta para lle pór voz aos personaxes. Poderemos desfrutar dos números máis famosos, dende a tourada, o militar, o enterro e por suposto a sempre elegante aparición do demo.

Todos os públicos

19:15

 Mediateca do Grilo

Coloquio

Lembranzas de Barriga Verde

A seguir da función de Títeres Alakrán artellarase un coloquio animando ao público a compartir os seus recordos sobre o xeito no que se celebraban antano as feiras e celebracións locais, e o papel que nelas xogaban os títeres. O acto terá o formato dunha merenda, para facilitar a conversa distendida e a participación do público asistente.

Todos os públicos

20:00

 Mediateca do Grilo

Concerto – Peche do festival

Caxade

Concerto de presentación de Isto é o amor, o segundo disco de estudio da banda de “Folk-Pok de Banda de Música” liderada por Alonso Caxade.

Todos os públicos

21:00

Auditorio Constante Liste