Recuperamos vellas publicacións

Na nosa ansia por recuperar a memoria sobre Barriga Verde,  recuperamos neste web dúas publicacións de interese. En primeiro lugar, amosamos o artigo que Xaime Iglesias publicou no ano 2000 na revista da Asociación Cultural Cedofeita, de Lérez. Este texto supuxo un dos primeiros achegamentos á figura de Barriga Verde e á historia dos Silvent e foi durante anos amplamente citado e reproducido.

A este engadimos o folleto que Títeres Viravolta editou para dar a coñecer a súa propia versión do espectáculo. No mesmo inclúese unha descrición das escenas que compoñen a obra e imaxes dos mesmos.

Grazas por custodiar e dixitalizar este material a Biblioteca Marioneta.