A AC Morreu o Demo colabora estreitamente con diferentes entidades no cadro do proxecto Barriga Verde. Trátase de empresas, institucións e colectivos que queren traballar tamén pola recuperación do personaxe.

  • Viravolta Títeres e Museo Galego da Marioneta: Investigadores da memoria sobre Barriga Verde, a compañía mantén vivo o personaxe representando a súa propia adaptación da obra. Ademais, no Museo Galego da Marioneta, sito en Lalín, conservan documentación e material sobre o traballo dos Silvent.
  • Tintimán Audiovisual: A produtora do documental Morreu o Demo, acabouse a peseta participa na coedición do libro-DVD deste traballo e contribúe coa súa experiencia no campo audiovisual ao proxecto.
  • Títeres Alakrán: Esta compañía apostou por recrear a obra dos Silvent en 2015 co seu espectáculo Barriga Verde ataca de novo. Unha proposta feita cun único manipulador e que recupera o emprego da palleta para todos os personaxes e que sitúa a trama clásica nun contexto actual.
  • O Clube da Esquina: Responsábel do deseño de imaxe, gráfico e web do proxecto e das publicacións vencelladas.
  • Museo do Pobo Galego: Implicado desde o comezo na recuperación de Barriga Verde, o Museo achega un importante labor de asesoramento e de apoio loxístico.
  • Urco Editora e Sacaúntos Cooperativa Gráfica: A editora correu coa coedición do Libro-DVD Morreu o Demo, acabouse a peseta, e editou Xosé Silvent Martínez. O mítico Barriga Verde. Sacaúntos, pola súa banda, colabora coa asociación en tarefas de impresión e difusión.

Asemade, o proxecto ten recibido o apoio financeiro de distintas institucións.

Color_Fdo_amarillo
Así, O Ministerio de Cultura e Deporte apoiou cunha axuda para a acción e promoción cultural no ano 2013.
Tamén o Concello de Pontevedra contribuíu á edición de Xosé Silvent Martínez. O mítico Barriga Verde, como forma de homenaxe a quen foi veciño de Lérez durante moitos anos.
Pola súa banda, UNIMA, a organización internacional que agrupa aos titiriteiros do mundo, manifestou o seu respaldo ao proxecto Barriga Verde.