Jan Klaassen

Nacemento

Amsterdam, fin do s. XVIII. Dise que Jan Klaassen era un titiriteiro que acadou tanta sona co seu Pulcinella, que o público acabou por bautizar o boneco co seu nome.

Físico

Corcovado, de nariz vermello e afiado, boca grande e sorrinte. Vestido de aspecto militar: chaqueta vermella con mangas douradas, pantalóns amarelos, galóns, tocado cónico curvado cara adiante cun axóuxere.

Carácter

Ao igual que Punch, bate en todo o mundo (na Morte, no Diabo e no xeneral) pero non mata nin a sua muller nin o bebé. Sempre está brigando con Katrina, a súa dona, da que acaba divorciándose. Ambos os dous poden ser infieis, aínda que ao final acaban rencontrándose. Marido e muller son bós bebedores.

A Jan Klaassen concédeselle o dereito de falar con plena liberdade diante das autoridades.

Parentesco

Descenden directamente do Pulcinella italiano.